FeTZ DI WaLL
Vum 26. bis 28. September 2025 an der Banannefabrik
Mir feieren dëst mat engem faarwege Programm fir Grouss a Kleng. Dräi Deeg voller Konscht, Performancen, Workshops a musikalesche Momenter. Kommt laanscht a feiert mat eis!
Freides de 26.09: OPENING OWEND
Mir starte Freides owes mat engem gemittlechen Opening: D'Presentatioun vun eisem Jubiläums-Buch, engem Solo Concert vum Serge Tonnar, wéi een et nach net erlieft huet an dem DJ-Duo "Conrôle Technique" stëmmen op déi nächst Deeg an.
Samschdes de 27.09: FAMILLJENDAG
E ganzen Dag fir d'Famill: Den Danzspektakel "Tock Tock", d'Theatersteck "De Flöck", "Yoga" a "Voice & Body" Workshops, an natierlech eppes vir ze laachen mat "Clown'skinski".
Owes lauschteren mir da gemittlech de Concerten vum Serge Tonnar an dem Sascha Ley.
Sonndes de 28.09: PERFORMANCE BRUNCH
Ënnert dem Titel "KADDO A KUCH" ginn et am Kader vun engem Brunch fënnef kuerz Konschtstécker gewisen. Fir de kulinaresche Genoss suergt de Chiche mat engem leckeren Maufel.
Produktioun: MASKéNADA
„30 Joer MASKéNADA“
Mat der Ënnerstëtzung vun:
