HOT FLaSHES SESSIONS

Wann de Kierper säi Programm nei start, leeft déi radikalst Performance vun eisem Liewen un. 
Heiansdo fillt sech den Alldag un wéi en Open-Air-Festival an der Wüst – just ouni Musek an ouni Bar.

Mir maachen aus Hëtzt Präsenz, aus Schweess e Statement.
Ech schweessen iwwerall – och aus den Aen. Ech sinn eng Fra an de beschte Joren a fille mech, wéi wann ech am falsche Kierper-Hotel agecheckt hätt. Ech well dauernd d’Zëmmer wiesselen.
Ech dreiwe mech ronderëm am Hamsterrad vum Liewen – an op der Kichefënster stapelen sech d’Nahrungsergänzungsmëttel, fir datt ech wueltemperéiert déi nächst Joren iwwerstinn. Iwwerdeems probéieren ech verzweifelt, alles am Grëff ze behalen, a probéieren gläichzäiteg ze verstoen, firwat ech am Supermarché de Sécherheetsmann néier blären.
Hot Flashes Sessions – e Movement: 
Mir feieren de Wiessel – net als Ausfall, mee als Opbroch.

D'Tammy Reichling hëlt Iech mat op e Festival vun den Kierper-Saisonen, den Temperaturschwankungen, den Stëmmungswiessel mat hierem Lieblings-DJ- Set.
Paus. Eng Paus, déi mir eis wuelverdéngt hunn.
Dir wärt schweessen. Iwerall.

Sonndeg, 6. September — Performance Brunch
mat Lëtz Menopause & Hot Flashes Sessions

Kommt mat eis feieren, diskutéieren a genéissen! Mir lueden Iech häerzlech an op eise Performance Brunch — en Nomëtteg mat guddem Iessen, spannende Gespréicher an enger besonnescher Performance.

12:30 — Entrée
13:00 — Brunch mat de Vertriederinne vu Lëtz Menopause:

• Susanne Folschette, Präsidentin vu Lëtz Menopause, Generalistin spezialiséiert an der Menopause Medezin
• Diane Elsen, Vizepresidentin vu Lëtz Menopause, Menopause Coach
• Marthe Schmit, Sekretärin vu Lëtz Menopause, Menopause Coach

15:00 — Performance vun Hot Flashes Sessions

 

Kreatioun an Text:
Tammy Reichling
Regie:
Daliah Kentges
Kostüm:
Sophie Meyer
Performance:
Tammy Reichling
DJ-Set:
Veraa_Lou
Berodung:
Joyce Serres
Eng Produktioun vun:
MASKéNADA