De Pier an de Wollef
De Klassiker vum Sergej Prokofieff


Iwwersat a geschwat vum Serge Tonnar

Gespillt vum Orchestre Philharmonique du Luxembourg ënnert der Leedung vum Gustavo Gimeno

De Pier an de Wollef ass eng musikalesch Geschicht fir Kanner. D'Mënschen an d'Déieren an dëser Geschicht erkennt een un de verschiddenen Instrumenter a Melodien. Et ass eng Aféierung, mat Spaass a Spannung, an déi klassesch Musek an et léiert een op spilleresch Manéier de groussen Orchester kennen.
Den 22. September 2018, um Dag vun der oppener Dier an der Philharmonie, hunn de Serge Tonnar an de Philharmoneschen Orchester "De Pier an de Wollef" eng éischte Kéier zesummen opgefouert. Direkt dono ass d'Iddi entstanen eng Opnam vum Wierk ze maachen, dat an Zesummenaarbecht mam Label & Kënschtlerkollektiv MASKéNADA, an deem och d'Annick Sinner matschafft, wat d'Illustratioune fir de Cover gemaach huet.

Längt: 29 Minutten

Illustratiounen: Annick Sinner
Grafesch Ëmsetzung: Fabienne Schmit

Orchester opgeholl am Juli 2019 an der Philharmonie
Kees De Visser: Touningenieur
Karel Bruggeman: Opnameleedung, Tounmix, Montage

Stëmm opgeholl am Oktober 2019 am Rol Studio
Mike Butcher: Touningenieur
Lektorat: Myriam Welschbillig

Produktioun: Serge Tonnar

Ze kafe kritt een d'CD an eisem Shop.